Business Boost Program ta un insentiva pa kompanía chikitu ku soño grandi

Ministerio di Desaroyo Ekonómiko den kooperashon ku Curaçao Development Institute N.V. (CDI) a hasi e programa aki posibel.

E meta di Business Boost ta pa yuda krea empresa lokal resistente, bou di maneho di lider kapasitá i ku un mentalidat korekto pa kontinuamente mehorá i inová. Di tal manera nan empresa por krese i kontribuí na kresementu di ekonomía lokal pa medio di eksportashon, supstitushon di importashon i/òf kreashon di kupo di trabou.

Business Boost ta yuda empresario mehorá i profeshonalisá nan organisashon pa medio di solushon inovativo pa empresa i uso efektivo di teknología.

Business Boost a start na yüni 2014, i a provée entrenamentu profeshonal na empresario inisialmente. A sigui mehorá e programa i awor tempu a yega pa tuma e siguiente paso: Business Boost 2016-2017 ta lanta ofisialmente dia 27 di yüni 2016. E lèsnan ta start den ougùstùs i ta sigui te desèmber 2016.

Innovation

“Innovation distinguishes between a leader and a follower.”
-Steve Jobs-

Technology

“What new technology does is create new opportunities to do a job that customers want done.”
-Tim O’Reilly-

Export

“Free trade is very important if we respect equality among nations.”
-Luiz Inacio Lula da Silva-

Businessplan

“A goal without a plan is just a wish.”
-Antoine de Saint-Exupéry- 

Nos vishon i mishon

Vishon
Kontribuí na un manera positivo na kresementu di ekonomía lokal dor di kapasitá empresanan lokal mediano i chiki i asina krea un kultura di perfekshon i inovashon kontínuo. Ademas ta stimulá empresa chikí ku ya ta eksitoso pa subi nan rentabilidat, krea kupo di trabou nobo, supstituí importashon i/òf kuminsa ku eksportashon.

Mishon

  • Nos ta entrená empresa chiki i mediano i duna nan akseso na eksperiensia i konosementu empresarial i teknológiko i na abilidatnan pa manehá nan empresa di un manera efektivo i efisiente.
  • Nos ta duna sosten konstante na empresa chiki I medianu pa yuda nan profeshonalisá i inová nan empresa pa gana benefisionan kompetitivo lokal i/òf internashonal.
  • Nos ta baha barera pa eksportashon pa medio di redukshon di burokrasía, duna informashon relashoná ku eksportashon na empresa chiki i mediano i guia nan durante e proseso di eksportashon.
  • Nos ta stimulá empresa chiki i medianu lokal pa krea produkto i/òf servisio inovativo, ku ta redusí importashon, oumentá eksportashon i/òf krea kupo di trabou nobo.
  • Nos ta konsientisá empresarionan pa loke ta benefisionan di eksportashon, inovashon, un aktitut empreserial anchu i estrecho. Tambe di e balor di teknologia, internèt i medio sosial i e benefisionan ku nan por ofresé.
  • Nos ta posishoná den di tres aña produktonan produsí na Korsou komo standart pa kalidat altu tantu lokalmente komo internashonalmente.

 

Rekomendashon

  • Si bo ke bira empresario, ta hopi, hopi hopi ora ta bai den dje. Anto no kere bo so por hasié. Bo mester traha un tim rònt di bo.
    Igmar Comenencia, Kuki Monster
  • Komo empresario bo mester ta kreativo, pasó esei ta hasi bo kapas di rekonosé sierto posibilidat i oportunidat i hasi bon uso di nan.
    Michel Bon, IBIS
  • Ora ekonomía ta tambaleá ta presentá retonan ku por pone bo pensa ku kisas bo tin ku legumai e negoshi aki. Bo no tin ku skohe pa esaki pasobra ta e retonan aki ta pone bo bira mas kreativo.
    Eugene Maduro, Living Green
  • Planifikashon i organisashon di bo prosesonan ta importante. Pero esun ku ta dirigí esaki ta e hende. E mentalidat profeshonal di e hende ku bo ta kontratá pa traha ku bo ta mas importante ainda.
    Sebastian van der Veer, Curaloe
  • Dikon bo ke lanta un negoshi? Si bo tin e di paden i bo ta bisa ku esaki ta mi kos, anto e ora ei mi ta bisabo dal bai pasó e ora ei bo tin e determinashon den bo. Esei ta bin di paden. Maske bo kai bo ta sigui.
    Mariluz Manuela, Naturals
  • Tur empresario tin loke ami ta yama un ‘fire in the eye’; e deseo pa logra un kos. Bo no ta laga ku ora un kos bai malu òf kosnan no logra, laga esei stòp bo. Un empresario ta kuminsá, e ta dal abou, e ta lanta bèk, e ta limpia su paña, sigui kore.
    Clark Russel, IBIS

E programa

Business Boost ta un programa di kuater luna, den kua entrenadó profeshonal ta ofresé entrenamentu empresarial na partisipantenan. E programa ta partí den dos nivel:

Nivel I: Diferente seshon den grupo, ku ta dirigí pa ofresé e partisipantenan konosementu básiko di maneho di empresa I tambe kapasitashon pa fortifiká nan base i pa nan por engrandesé nan empresa.

E seshonnan akí ta práktiko i interaktivo. E partisipantenan por apliká e konosementu nobo, direktamente den nan empresa durante transkurso di e programa.

Nivel 2: Guia personal (unu-pa-unu), spesialmente diseñá pa kompania ku ya tin un base fuerte komo empresa, ku ta hasi hopi esfuerso pa eksportá nan produkto. E programa akí ta trahá na midí di nesesidat spesífiko di e empresanan ku ta partisipá.

Un komishon di selekshon ta asigná e partisipante na e nivel di programa korespondiente, despues di un evaluashon profundo di nesesidat di e kompania.

Pa por garantisá un kalidat haltu di servisio na e kompaníanan ku ta partisipá, un máksimo di 15 empresario por partisipá na Nivel 1 i 5 empresario por partisipá na Nivel 2 di e programa.

Benefisio di e programa
Business Boost ta dirigí pa ofresé bo konosementu i abilidat pa:

  • Krea balor pa kliente,
  • Merkadeá bo empresa efektívamente,
  • Fiha un strategia efektivo i diseñá un Plan di Empresa (Modelo di Empresa),
  • Komprendé i manehá bo finansa,
  • Eksportá bo produkto,
  • Inová

Ademas, via e website/medio sosial di Business Boost nos por duna bo empresa exposure.

Inskripshon

Danki pa bo interes den e programa di Business Boost.

Por fabor di tuma nota ku e periodo pa aplika a sera. Lo anunsia debidamente asina e periodo pa aplika pa Business Boost 2017 habri atrobe.

Nos sosionan

“Alone we can do so little; together we can do so much” – Helen Keller.
“Nos so por hasi poko; huntu nos por hasi muchu mas” – Helen Keller.

Ministerie Economische Ontwikkeling CuracaoCuracao Development Institutelogo-citi  better

 

Kontakto

Si bo tin pregunta tokante Business Boost Program, no hesitá pa tuma kontakto ku nos!

Curaçao Development Institute

Address: Pletterijweg 43
Mail: info@cdi.cw

INSKRIBÍ AKI